Լատերանեան դաշինքին 86-րդ տարեդարձը` Վատիկան Պետութեան ստեղծումը։

(Ռատիօ Վատիկան) Չորեքշաբթի 11 փետրուարին կը յիշատակուի Լատերանեան դաշինքին 86-րդ տարեդարձը։ Նոյն օրը կը նշուի նաեւ Լուրտի Տիրամօր Երեւումներու ճանաչման տարեդարձը եւ Հիւանդներու համաշխարհային օրը։
Լատերանեան դաշինքը՝ Եկեղեցւոյ եւ Իտալական պետութեան միջեւ փոխ յարաբերութեանց դաշինքն է, որ ստորագրուեցաւ 11 փետրուար 1929-ին, Պիոս ԺԱ Քահանայապետի օրով։ Այս դաշինքով վերջ գտաւ ''Հռոմէական հարց'' կոչուած կնճռոտ խնդիրը եւ վերջ տրուեցաւ՝ Եկեղեցւոյ ու Իտալական պետութեան միջեւ, 1870-էն ի վեր տիրող լարուածութեան։ 1929-ի Լատերանեան դաշնագիրով ''Վատիկանը'' դարձաւ ու ճանչցուեցաւ որպէս ''անկախ պետութիւն''։
11 Փետրուարին, կը նշուի նաեւ Լուրտի Տիրամօր Ա. երեւման 157-րդ տարեդարձը։ Արդարեւ Տիրամօր առաջին երեւումը Սրբուհի Պերնատէթ Սուպիրույին տեղի ունեցած էր 11 փետրուար 1858-ին, մինչ վերջինը 16 Յուլիս 1858-ին։ Եկեղեցին` 18 Յունուար 1862-ին, պաշտօնապէս ճանչցաւ այս երեւումները։
Լուրտի Տիրամօր տօնին օրը, է նաեւ Հիւանդի համաշխարհային օր, քանի որ փաստուած բազմաթիւ հրաշքներ կատարուեցան այնտեղ։ Այս տարուայ Հիւանդի Համաշխարհային օրուայ բնաբանն է ''ես կոյրին աչքերն էի եւ կաղ մարդուն ոտքերը'':